台湾旅行其中一个必备行程，就喺要去便利店寻宝！无论是7-11还是全家，行两步就有间喺左近，超级方便！除咗可以买有特色又便宜的手信，夜晚口痕时想买宵夜都必去便利店，就连想买手摇饮料，台湾便利店都满足到你，即睇最近台湾便利店有咩必买、必食、必饮的产品啦！
必买手信【零食篇】
台湾便利店的零食除了卖相超可爱，仲会有好多期间限家，或者台湾独有的小食！由7-11、全家、莱尔富自家品牌推出的零食，以及从日本、韩国入口的零食，除咗多选择仲超好抵买，每样分分钟都只喺10几蚊，用嚟做手信买再多都唔会肉赤！
台湾便利店选择劲多，好多零食包装上都有卡通人物！
#01｜爽爽猫肉球形蜜桃软糖
买零食最无法抵抗的就是可爱包装，爽爽猫蜜桃C软糖粉红色的猫咪包装，吃起来就有清香的蜜桃味，绝对是女生最爱！更吸引人的是，里面一拆开，就是肉球形的软Q糖果，买畀猫奴朋友们最适合！
唔好以为渠只喺普通的一包糖，软糖慨形状喺可爱的猫掌，好正！(NT35/HK$9)
#02｜Peppa Pig x 义美牛奶卷心酥
义美的食品向来受台湾人热爱，而早前热卖产品牛奶卷心酥更与英国知名动画「Peppa Pig粉红猪小妹」携手合作，改咗包装之后就更加受欢迎，无论大人小朋友都会钟意。
义美推出的卷心酥牛奶味浓，包装仲好可爱！
一盒只是NT42/HK$11，买多几盒都唔会肉赤。
#03｜日式手造瓦煎烧
瓦煎烧吃起来就是煎饼的口感，好似台湾好出名的「小林煎饼」卖的瓦煎饼，看起来很普遍但容易吃上瘾！唔想四围搵边到有好吃的煎饼，全家就帮到你！以REBECCA BONBON为造型的「日式手造瓦煎烧」，加入了卡通更加可爱，一大包都只是NT99/HK$26，保证会一块接一块无停手！
想食煎饼唔一定要去手信店买，便利店都有可爱的瓦煎饼卖。
一大袋最适合同一大班朋友share 食。(NT99/HK$26)
#04｜内藏马来貘杯缘子森永巧可球
马来貘是台湾非常受欢迎的网络角色，今次同森永合作推出巧可球，里面其实就是朱古力波，仲有一个惊喜位，就喺有7款不同造型的马来貘杯缘子会随机送出，每次都唔知自己会抽中边个款式，收到一定会劲开心。
马来貘好受台湾人欢迎，连香港都有唔少fans！(NT59/HK$15)
#05｜蛋黄哥森永巧可球
除了马来貘，森永仲有同唔同慨卡通人物合作，当然唔少得超红的蛋黄哥，虽然内里同样都是朱古力波，但附赠的是蛋黄哥磁石，如果有朋友钟意蛋黄哥，就记得买畀佢啦！
除了马来貘，蛋黄哥同森永合作推出零食。(NT59/HK$15.3)
#06｜彩虹香口胶
IG上打卡率很高的彩虹香口胶，原本是来自韩国，宜家台湾都买到啦！一整排的香口胶按颜色顺序排序，有种好治愈的感觉，好多台湾人都几天空当背景影相，就好似蓝天中出现彩虹咁，原来香口胶都可以好有新意！
普通的香口胶加少少创意，又变得好吸引！(NT49/HK$13)
#07｜森永BAKE 香菜巧克力
想试最新的日本零食，台湾便利店都满足到你！8月刚登场的「BAKE 香菜巧克力」，一推出就劲受欢迎。有不少台湾网友食完后都表现芫茜味唔算太重，当然要买畀唔食芫茜的朋友试试有几劲啦！
香菜味朱古力是日本入口零食，香菜味不算太重！(NT59/HK$15)
#08｜台湾甜品珍珠奶茶朱古力
由日本TIROL-CHOCO推出的小食-台湾甜品珍珠奶茶，喺日本大卖而红回台湾，宜家台湾各大便利店都已经有得卖，仲好受台湾人欢迎。里面分别有珍珠奶茶及凤梨酥两种口味的朱古力，真的可以吃到粒粒珍珠，虽然不少网友都表示食落有啲偏甜，但都喺好可以代表台湾的手信。
饮慨珍珠奶茶试得多，食得慨又试过未？(NT59/HK$15)
除了台湾甜品，都仲有好多其他选择！
必试食品【饮料篇】
每次看到台湾便利店超巨型的饮料墙，都会好想将所有的饮品都全部试一次！近年除了包装饮料，即冲饮料亦都愈来愈多，想消暑唔使再搵手摇饮品店，便利店就ok啦！
超巨型饮料墙，每次去都好想全部试晒！
台湾的沙冰全部都预先做好放在冰柜内，购买的时便再即时加热牛奶。
#09｜Minions芒果沙冰
台湾全家经常会推出各种期间限定的沙冰，今年就推出了芒果口味的Minions 冰沙，店员会即场帮你加入热牛奶，只要将冰捏碎与牛奶彻底搅拌，就可以变成超好喝的芒果牛奶沙冰！喝起来有浓浓的芒果香气，带有微酸，相当消暑。重点还是可爱的Minions造型，很受台湾人热棒！
店员会现场帮你加入牛奶。Minions芒果沙冰饮得出是真实的芒果味，十分消暑。(NT59/HK$15)
注意一定要把冰捏碎，完全搅拌好再饮。
#10｜辻利抹茶红豆沙冰
另一款同样是今年限定的沙冰「辻利抹茶红豆沙冰」，做法同芒果沙冰一样加热牛奶，抹茶加牛奶绝对无得输，而里面仲加咗一粒粒的红豆，相当足料。记得一定要搞到啲冰融晒先好饮，如果唔喺就会饮到硬硬的冰粒，影响口感！
做法同芒果沙冰一样，十分方便。(NT59/HK$15)
未搅匀之前会好似硬刨冰，会捏碎都要花点力气。
全家还会不定时推出2杯88折的优惠！
#11｜Häagen-dazs阿芙佳朵特调
阿芙佳朵特调是为了庆祝七夕而出的饮品，但其实至今都还可以买到，Affogato咖啡加Häagen-dazs雪糕，想买的话要自己往冰柜拿云呢拿或香蕉口味的雪糕，结帐时店员就会马上帮你冲一杯即磨咖啡，将咖啡及雪糕混在一起吃，又涷又热超级特别！
每set都有一杯咖啡，以及一杯雪糕。(NT99/HK$26)
将咖啡倒进雪糕内，食落又热又冻好特别。
雪糕沾满咖啡的香气，食落香滑又有点微苦。
包装后面清楚写明了食用方法。
#12｜Baileys拿铁
台湾便利店竟然可以喝到Baileys，而且做法超级简单！店员会帮你冲一杯Latte，再倒入酒精浓度有成17%的Baileys，搅拌再饮，其实酒味不算呛及难入口，带有微微酒香的咖啡喝起来十分顺口，果然台湾的便利店就是无奇不有！
每set都会有一杯拿铁及一枝Baileys。(NT79/HK$21)
店员会先帮你制作Latte。
之后再加酒精浓度有17%的Baileys就完成了。
必买食品【宵夜篇】
台湾的熟食同样选择多，无论早餐、下午餐定宵夜，食便利店都唔会有颓食的感觉，日日食都唔会厌！
台湾同日本都好受欢迎的Mister Donut 都嚟咗便利店，24小时有得食！
#13｜石安牧场温泉蛋
每次去台湾必试的熟食之一，一定会有由7-11独家发售的「石安牧场温泉蛋」及「石安牧场溏心蛋」！温泉蛋分别有1个及2个两款包装，完全密封唔使担心卫生问题。温泉蛋食落有卤过的味道，像日本拉面里附送的蛋的味道，蛋白非常嫩滑，蛋黄更加会呈现半流心的状态，非常好食！如果不是需要冷藏的关系，一定会有好多人将温泉蛋当手信，但为了卫生，大家还是在台湾多吃点吧！
每次去台湾，都一定会成几个温泉蛋先舍得走。(NT46/HK$12)
独享的话可以买一个装，食落好有日本拉面店的感觉。(NT19/HK$5)
#14｜7-11 即食麻酱凉面
台湾的7-11 及全家都会有自家品牌的即食凉面，不但口味选择多，而且用料实在，里面有大量的青瓜丝、蛋丝、红萝卜丝等，加上惹味的酱料，当正常或宵夜都会好满足！当中麻酱及蒜辣的口味最受欢迎，吃起来面条咬劲十足，绝对比得上香港HK$50~60一碗的冷面！
食落麻酱味好重，份量都唔算细！(NT45/HK$12)
#15｜ 即食韩式炸鸡
想食炸鸡，唔一定要去韩国，台湾便利店都有即叮即食炸鸡！想细细啖食可以选择辣味鸡球，钟意韩式的话都有韩式炸鸡可以选择，食落惹味配啤酒刚刚好！酒店无提供微波炉都不用担心，可以结帐的时候请店员帮你加热，十分方便。炸鸡鸡皮的酥脆程度跟现做的还是有差别，但肉质嫩滑，粉也不算厚，宵夜来说已超级满足！
韩式炸食落惹味，最适合配啤酒做宵夜！(NT38/HK$10)
辣味鸡球采用台湾国产鸡胸肉，一啖一粒。(NT38/HK$10)
#16｜ 麻辣关东煮
台湾的关东煮真喺无得输，选择超级多：猪血、海鲜鱼卵卷、手工高丽菜卷、油豆腐，萝卜、猪血糕等，再加埋王子面，真喺好满足！几乎间间便利店都一定会有关东煮，但有麻辣味的关东煮，就唔喺间间都有啦！配料加埋不算太辣又很有麻香的汤底，冬天食一碗真心爽！
有时独游食唔到麻辣火锅，都可以试下麻辣关东煮，配料都劲入味。
不太能吃辣都可以食原味，冬天食最满足。
#17｜辻利抺茶欧蕾布丁
相比起7-11及莱尔富，全家更受欢迎的原因之一，是会进口很多日本/韩国的特色食品，像是近期大热的「辻利抺茶欧蕾布丁」，就是采用辻利抺茶制成的布丁，口感偏向果涷，一吃就会闻到淡淡的抺茶，不会过甜，网友们的反应都相当不错！
除了焦糖布丁，抹茶口味的一样好受欢迎。(NT35/HK$9)
#18｜义美鲜奶鸡蛋布丁
布丁是台湾便利店的指定美食之一，选择劲多，但好多都太甜好易腻，台湾朋友大推「义美鲜奶布丁」，食落鸡蛋味超香浓，口感亦相当绵密滑嫩，而且一点都唔会过甜，非常值得推荐！
好多人食布丁都会拣统一布丁，但义美食落无咁甜又重奶香，值得推介！(NT20/HK$5)
#19｜双色迷你泡芙
由Family Mart推出的双色迷你泡芙一共有两款，朱古力加牛奶口味，以及乳酸加草莓口味，泡芙外面微软，不像现做那么松脆，但里面的朱古力是十分浓郁的朱古力酱，一口一颗，一咬就有爆浆的感觉，作为饭后甜点刚刚好！
双色泡芙的朱古力味劲浓，是货真价实的朱古力酱。(NT35/HK$9)
#20｜热辣辣夯番薯
夜晚想食啲暖嘢，但又唔想又叮又焗咁麻烦，全家有24小时都热辣辣的即食烤番蕃，唔使四围搵！无论几时去都有番薯提供，食落超级甜，仲会冒热气！
台湾女生大推全家的「夯番薯」，食落果然好甜！
